📝 محمد روح الامین میوربھنجی
حضرت مولانا محمد ابو سفیان صاحب قاسمی اڈیشا کے ایک مشہور عالم دین، شیریں بیاں خطیب اور مایۂ ناز فاضلِ دار العلوم دیوبند ہیں، جو 2008ء سے جمعیت علمائے اڈیشا (الف) کے نائب صدر ہیں۔ ذیل میں ان کا سوانحی خاکہ پیش خدمت ہے۔
مختصر سوانحی خاکہ
ولادت و تعلیم
18 جون 1964ء کو آخن محلہ، بالوبیسی، ضلع جگت سنگھ پور، اڈیشا میں پیدا ہوئے۔
ابتدائی عربی فارسی کی تعلیم؛ جامعہ مرکز العلوم، قاضی ہاٹ، سونگڑہ، کٹک، اوڈیشا سے ہوئی۔ آپ کے مرکز العلوم سونگڑہ کے اساتذہ میں مناظر اسلام حضرت مولانا سید محمد اسماعیل کٹکی قاسمی، حضرت مولانا مفتی سید سراج الساجدین کٹکی قاسمی اور حضرت مولانا ذبیح اللہ قاسمی دربھنگویؒ سفیر دار العلوم دیوبند شامل تھے۔ دار العلوم دیوبند سے آپ کی فراغت 1983ء بہ مطابق 1403ھ میں ہوئی۔
آپ کے اساتذۂ دار العلوم دیوبند میں حضرت مولانا جمیل احمد سکروڈوی، حضرت مولانا مفتی شکیل احمد صاحب سیتاپوری، حضرت مولانا مفتی سعید احمد پالنپوری، حضرت مولانا زبیر صاحب، حضرت مولانا معراج الحق دیوبندی، حضرت مولانا حسین صاحب بہاری، حضرت مولانا قمر الدین گورکھپوری اور شیخ الحدیث حضرت مولانا نصیر خان بلند شہری رحمہم اللّٰہ شامل ہیں۔
دار العلوم دیوبند میں آپ کے قابل ذکر شرکائے درس میں حضرت مولانا مفتی راشد صاحب اعظمی، حضرت مولانا مفتی خورشید انور صاحب گیاوی اور مولانا طلحہ نقشبندی فتح پوری شامل ہیں۔
تدریس و دیگر خدمات
آپ نے مدرسہ فرقانیہ، بالوبیسی اور مدرسہ عظمتیہ، کٹک میں تدریسی خدمات انجام دی ہیں۔ سی آئی تالچیر میں امام بھی رہے ہیں۔ تقریباً 1996ء سے اپنے علاقہ کے ایک اسکول میں ٹیچر کی حیثیت سے خدمات انجام دے رہے ہیں۔
سنہ 2008ء سے جمعیت علمائے اڈیشا (الف) کے نائب صدر ہیں۔ 2021ء سے امارتِ شرعیہ اڈیشا کے نائب صدر ہیں۔ نیز جامعہ نور العلوم نین پور، ٹینڈاکوڑہ، کٹک کے نائب مہتمم ہیں۔
کوئی تبصرے نہیں:
ایک تبصرہ شائع کریں