حضرت مولانا عبد الوحید صاحب قاسمی چٹراوی
📝 محمد روح الامین میوربھنجی
ولادت: 10 دسمبر 1966ء میں آپ کی ولادت ہوئی۔
تعلیم: انھوں نے ابتدائی نورانی قاعدہ وغیرہ کی تعلیم؛ حضرت مولانا ابراہیم صاحب رحمۃ اللّٰہ علیہ سے حاصل کی، پھر ابتدائی عربی فارسی کی تعلیم؛ مدرسہ اسلامیہ مدینۃ العلوم خوشمنڈل میں ہوئی، وہاں ان کے اساتذہ میں حضرت مولانا نظام الدین قاسمی و حضرت مولانا صابر علی قاسمی صاحبان شامل تھے۔ پھر سال عربی سوم میں جمشید پور، جھارکھنڈ کے ہندو مسلم تنازعات کی وجہ سے دیر سے بعد عید الاضحیٰ دار العلوم دیوبند پہنچے، جس وقت داخلہ بند ہوچکا تھا، جس کی وجہ سے چھ مہینہ سروٹ میں پڑھائی کی، پھر اگلے سال؛ دار العلوم دیوبند میں عربی چہارم میں داخلہ ہوا۔
دار العلوم دیوبند سے فراغت: 1985ء میں دار العلوم دیوبند میں دورۂ حدیث سے فارغ ہوئے۔ پھر 1986ء میں وہیں پر ایک سال رہ کر تفسیر کی تعلیم حاصل کی۔
ان کے دار العلوم دیوبند کے اساتذہ:
حضرت مولانا نصیر احمد خان رحمۃ اللّٰہ علیہ؛ جن سے انھوں نے صحیح البخاری پڑھی۔
حضرت مفتی سعید احمد پالن پوری رحمۃ اللّٰہ علیہ
حضرت مولانا ریاست علی بجنوری رحمۃ اللّٰہ علیہ
حضرت مولانا شیخ عبد الحق محدث اعظمی رحمۃ اللّٰہ علیہ
حضرت مولانا جمیل احمد سکروڈوی رحمۃ اللّٰہ علیہ
حضرت مولانا عبد الخالق مدراسی دامت برکاتہم
حضرت مولانا نعمت اللّٰہ صاحب اعظمی دامت برکاتہم
حضرت علامہ قمر الدین احمد گورکھپوری دامت برکاتہم
خدماتی زندگی: فراغت کے بعد اپنے مادر علمی مدرسہ اسلامیہ مدینۃ العلوم خوشمنڈل میں سات سال تک قرآن کی و ابتدائی تعلیم دیتے رہے اور ہدایۃ النحو، کافیہ و قدوری تک کی کتابیں پڑھائی، اس کے بعد ان کی ہائی اسکول میں سرکاری ملازمت لگ گئی، اس دوران مدرسہ میں تدریس بھی جاری تھی، اس کے بعد جب ان کا اپنے وطن ٹینڈاکوڑہ میں ٹرانسفر ہو گیا تو اپریل 1992ء سے باقاعدہ مدرسہ کے نظام سے سبکدوش ہو کر اسکولی تدریس سے جڑ گئے۔ 2021ء سے سات سال قبل انھوں نے اپنے گاؤں چٹرا، ضلع کیندراپاڑہ میں ایک مدرسہ؛ مدرسہ احیاء العلوم کے نام سے قائم کیا تھا، اس وقت ان کے بڑے صاحب زادے مولانا محمد ارشد ذکی قاسمی اس مدرسہ کا نظام سنبھالے ہوئے ہیں، جس میں مقامی تیس مقامی طلبہ زیر تعلیم ہیں۔
کوئی تبصرے نہیں:
ایک تبصرہ شائع کریں