حضرت مولانا محمد اکرام صاحب نین پوری
📝 محمد روح الامین میوربھنجی
ولادت: آپ کی ولادت سن 1973ء میں ہوئی۔
تعلیم: ابتدائی تعلیم اپنے گاؤں نین پور، ٹینڈاکوڑہ، ضلع کیندرا پاڑہ میں ہوئی۔ اس کے بعد مدرسہ مدینۃ العلوم، خوشمنڈل میں عربی فارسی کی کافیہ و قدوری تک کی تعلیم حاصل کی۔ مکمل تعلیم کے لیے مدرسہ بنجھارپور میں 1995ء میں شیخ الاسلام حضرت مدنی کے شاگرد اور بنجھارپور گورمنٹ کالج کے پرنسپل شیخ الحدیث حضرت مولانا محمد عبد الغفار قاسمی رحمہ اللّٰہ سے بخاری تک کی کتابیں پڑھ کر فاضل حدیث مکمل کیا، حضرت مولانا محمد جابر صاحب قاسمی سے مشکوٰۃ پڑھی تھی، مفتی محمد غفران صاحب کٹکی اور مولانا امان اللہ صاحب رحمۃ اللّٰہ علیہ بھی موصوف کے اساتذہ میں ہیں۔ 1996ء میں فاضل اردو کی تکمیل کی اور انگریزی میں گریجویشن مکمل کیا، پھر گھر واپس آگئے۔
فراغت: فارغ التحصیل ہونے کے دو سال بعد گاؤں کے اسکول میں سرکاری ملازمت لگ گئی، فی الحال (2021ء کے مطابق) "فضل حق ہائی اسکول، ٹینڈاکوڑہ " میں فارسی کی استاذ کی حیثیت سے 21 سال سے تعلیمی خدمات انجام دے رہے ہیں۔ اپنے محلہ میں موجود تقریباً ستر طلبہ پر مشتمل ایک مکتب کے نگراں بھی ہیں۔ بہت سے علاقائی مدرسوں کی مجلس شورٰی کے رکن بھی ہیں۔
کوئی تبصرے نہیں:
ایک تبصرہ شائع کریں